«РБ Лейпциг» ва Норвегия миллий жамоаси яримҳимоячиси Антонио Нуса фаолиятини Англия Премер-лигасида давом эттириши мумкин. Бу ҳақда ТEАMtalk хабар берди.
Манбага кўра, 20 ёшли футболчига «Арсенал» ва «Тоттенҳэм» жиддий қизиқиш билдирмоқда. Унинг ЖЧ-2026даги ёрқин ўйинлари Лондон клублари эътиборини тортган. Нуса мундиалда тўртта баҳсда майдонга тушиб, битта гол урди ҳамда учрашувларнинг бирида энг яхши футболчи деб топилди.
Қайд этилишича, «РБ Лейпциг» норвегиялик вингерини 50–60 миллион евро атрофида баҳоламоқда.
Эслатиб ўтамиз, Антонио Нуса 2024 йилда Белгиянинг «Брюгге» клубидан 21 миллион евро эвазига «РБ Лейпциг» сафига келиб қўшилган. Унинг Германия клуби билан тузган шартномаси 2029 йилнинг 30 июнига қадар амал қилади.
2025/26 йилги мавсумда Нуса барча мусобақаларда 35 та баҳсда майдонга тушиб, 5 та гол ва 4 та голли узатмага муаллифлик қилган.
