«Фиорентина» «Удинезе» яримҳимоячиси Артур Атта трансфери бўйича келишувга эришди.
Бу ҳақда журналист Фабрицио Романо хабар берди.
Манбага кўра, клублар ўртасидаги музокаралар муваффақиятли якунланган. Трансфер суммаси 30 миллион евро, қўшимча бонуслар ва футболчининг кейинги сотувидан фоиз олиш бандини ўз ичига олади.
Қайд этилишича, келишув «Удинезе» президенти Жампаоло Потсо ҳамда «Фиорентина» спорт директори Фабио Паратичи иштирокида якунланган.
Романо таъкидлашича, Артур Атта айни пайтда Флоренцияга йўл олган. У тиббий кўрикдан ўтгач, «Фиорентина» билан шартнома имзолайди.
Шунингдек, манбага кўра, аввал тарқалган хабарларга қарамай, футболчи трансфери юзасидан на «Милан», на «Интер» билан музокаралар олиб борилган.
