«Милан» ва «Рома»нинг собиқ бош мураббийи Фабио Капелло Аргентина миллий жамоаси ҳужумчиси Лионел Мессининг ўйинига юқори баҳо берди.
«Месси — тарихдаги энг буюк футболчи. Албатта, ёш ўз таъсирини кўрсатмоқда. Унда тенгсиз техник маҳорат ва ҳақиқий футбол истеъдоди бор.
У энди аввалгидек тўпни олиб, уч нафар футболчини алдаб ўтиб гол урадиган Месси эмас.
Шунга қарамай, у ҳали ҳам жамоаси учун ҳал қилувчи футболчи бўлиб қолмоқда. Гарчи ушбу Жаҳон чемпионатида иккита пеналтини голга айлантира олмаган бўлса ҳам, биз унинг футбол учун қилган ишлари учун доимо миннатдор бўлишимиз керак.
Месси ҳозир Эрлинг Ҳоланд ва Килиан Мбаппедан кейин турадими? Ҳоланд — бу улкан жисмоний куч, Мбаппе эса тезлик ва техниканинг уйғунлиги. Месси эса ҳамон ажойиб ҳаракатларни намойиш этмоқда, бироқ у энди ўзининг энг яхши давридаги Месси эмас.
Шундай бўлса-да, у бизни йиллар давомида ўз футболидан завқлантирди. Мисрга қарши баҳсда бўлгани каби, ҳал қилувчи вазиятларда у яна ўз сўзини айта олди», — дея Капеллонинг сўзларини Мundo Deportivo нашри келтирди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади