Италия чемпионатининг сўнгги турида Европа Чемпионлар Лигасига йўлланма олган яна икки жамоа номи маълум бўлди.
3-ўриндаги «Милан» (70) ўз уйида «Каляри»га ютқазиб қўйиб, 6-поғонага тушиб кетди ва ЕЧЛда эмас, Европа Лигасида қатнашадиган бўлди.
Аллегри жамоасининг муваффақиятсизлигидан «Рома» (73, 3-ўрин) ва «Комо» (71, 4-ўрин) унумли фойдаланиб, охирги турдаги ғалаба орқали ЕЧЛга йўлланма қўлга киритди. Аввалроқ чемпион «Интер» ва вице-чемпион «Наполи» буни уддалаганди.
Айни вақтда «Торино»ни мағлуб этаётган (1:0 — биринчи бўлимдан кейин) «Ювентус» (71) ҳам Европа лигасида ўйнайди, чунки туринликлар ўзаро ўйинларда «Комо»га имкониятни бой беришган.
Шунингдек, лигани тарк этган учинчи жамоа ҳам маълум бўлди — «Кремонезе» «Пиза» ва «Верона» ортидан Б Серияга равона бўлди.
А Серия. 38-тур. 24 май
Милан — Каляри 1:2
Голлар: Салемакерс (2) — Борелли (20), Родригес (57).
Верона — Рома 0:2
Голлар: Мален (56), Эл Шаарави (90+3).
Фойдаланилмаган пеналти: Мален (56, Рома).
Четлатиш: Валентини (50, Верона).
Кремонезе — Комо 1:4
Голлар: Бонаццоли (55, пеналти) — Родригес (36), Дувикас (51), Да Куня (74 пеналти, 81).
Четлатиш: Грасси (71, Кремонезе).
Лечче — Женоа 1:0
Гол: Банда (6).
