«Tottenhem» yarimhimoyachisi Xavi Simons jamoa bosh murabbiyi Roberto De Zerbi faoliyatiga yuqori baho berdi.
«Murabbiy qanday futbol o'ynashni xohlayotganini allaqachon tushunib oldim. Rostini aytsam, u kelgan zahoti jamoamiz mentalitetini o'zgartirdi, bizga yangi energiya va ishonch bag'ishladi.
U o'zi ham mening pozitsiyamda o'ynagan, shu sababli meni yaxshi tushunadi. Menga erkinlik va ishonch berdi. Har bir futbolchi aynan shunga muhtoj. Agar murabbiy senga ishonmasa, maydonda o'ynash juda qiyin bo'ladi. De Zerbi esa ilk kundanoq bu ishonchni butun jamoaga, ayniqsa menga bera oldi», — dedi Simons.
Eslatib o'tamiz, Roberto De Zerbi joriy yilning mart oyi oxirida «Tottenhem» bosh murabbiyi etib tayinlangan va murakkab vaziyatga qaramay, jamoani Angliya Premyer-ligasida olib qolishga muvaffaq bo'lgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi