«Nyukasl»dan «Yuventus»ga ijara asosida o‘tgan hujumchi Nik Voltemade kelajakda «Bavariya»ning transfer maqsadiga aylanishi mumkin.
Jurnalist Kristian Falkning ma’lum qilishicha, hozircha myunxenliklar 24 yoshli futbolchi bo‘yicha muzokara olib borishni rejalashtirmayapti. Biroq Voltemade Italiyadagi ijarasi davomida o‘zini yaxshi tomondan ko‘rsata olsa, «Bavariya»ning unga bo‘lgan qiziqishi yana kuchayishi mumkin.
Qayd etilishicha, Myunxen rahbariyati jamoa tarkibidagi germaniyalik futbolchilar sonini ko‘paytirishni istamoqda. Shu nuqtai nazardan Voltemadening nomzodi jamoa uchun yana dolzarb bo‘lishi mumkin.
Eslatib o‘tamiz, «Bavariya» 2025 yil yozida Voltemadeni o‘z safiga qo‘shib olish uchun asosiy da’vogarlardan biri hisoblangan edi. Biroq transfer poygasiga «qarg‘alar» aralashib, «Shtutgart»ga 75 million yevro miqdorida taklif bilan chiqqan va yakunda futbolchini o‘z safiga qo‘shib olgan.
