Turkiya milliy jamoasi Millatlar Ligasining dastlabki to‘rt turida birorta ham ochko jamg‘ara olmadi.
Vinchenso Montella boshchiligidagi jamoa 4-turda Italiya milliy jamoasiga 1:3 hisobida imkoniyatni boy berdi. Shu tariqa, turkiyaliklarning musobaqadagi ketma-ket mag‘lubiyatlari soni to‘rttaga yetdi.
Turkiya bunga qadar Fransiyaga 0:1, Italiyaga 1:4 va Belgiyaga 0:3 hisoblarida mag‘lub bo‘lgan edi. Jamoa to‘rtta uchrashuvda raqiblar darvozasiga atigi 2 ta gol urdi va o‘z darvozasidan 11 marta to‘p o‘tkazib yubordi.
Natijada, Turkiya ochkosiz holda guruhda so‘nggi, 4-o‘rinni egallab turibdi. Fransiya milliy jamoasi 10 ochko bilan peshqadamlik qilmoqda. Italiya 7 ochko bilan ikkinchi, Belgiya esa 6 ochko jamg‘argan holda uchinchi pog‘onada bormoqda.
Qayd etish lozim, turkiyaliklar Millatlar Ligasi doirasidagi navbatdagi bahsini 12 noyabr kuni Belgiya milliy jamoasiga qarshi o‘tkazadi.
