«Manchester Siti» himoyachisi Yoshko Gvardiola klub bilan yangi shartnoma tuzishga yaqin turibdi, deb xabar beradi Sky Sports.
Avvalroq, Madridning «Real» klubi futbolchiga qiziqish bildirayotgani xabar qilingan edi, ammo «shaharliklar» Yoshkoni tarkibida saqlab qolmoqchi.
Gvardiola klubga 2023-yilda "RB Leypsig"dan o'tganidan beri jamoa uchun 120 ta o'yin o'tkazdi. Yoshko universal futbolchi sifatida o'zini ko'rsata oldi, jamoaga markaziy himoyachi va chap qanot himoyachisi sifatida yordam berdi. Hozirda Gvardiola yanvar boshida olgan katta boldir suyagi sinishidan tiklanishni davom ettirmoqda, ammo bu jarohat «Manchester Siti»ning 24 yoshli xorvat bilan hamkorlikni uzaytirish istagiga hech qanday ta'sir ko'rsatmadi.
Ushbu mavsumda Gvardiola barcha musobaqalarda 23 ta o'yinda qatnashdi, unda 2 ta gol va 5 ta assist qayd etdi. Futbolchining jamoa bilan amaldagi shartnomasi 2027-yil yozigacha mo'ljallangan.
Transfermarkt portali futbolchining aktual transfer narxini 70 mln yevroga baholamoqda.
