«Atletiko» bosh murabbiyi Diyego Simeone argentinalik hujumchi Xulian Alvaresdan jamoada qanday foydalanmoqchi ekanini aytdi.
«Biz hali ham jamoani uning atrofida qurish haqida o‘ylayapmiz. U klubga kelganidan beri jamoaga juda ko‘p narsa berdi», — dedi Simeone o‘yinoldi matbuot anjumanida.
Alvaresning «Atletiko»dan ketishi haqidagi mish-mishlar davom etmoqda. Biroq Madrid klubi futbolchini saqlab qolish borasida qat’iy pozitsiyada. Simeonening so‘zlariga ko‘ra, argentinalik hujumchi ayni paytda yetarlicha yaxshi jismoniy holatda emas va La Liganing 1-turida «Malaga»ga qarshi bahsda maydonga tushmaydi.
Eslatib o‘tamiz, Xulian Alvares 2024 yil yozida «Manchester Siti»dan «Atletiko»ga 75 million yevro hamda 20 million yevro bonuslar evaziga o‘tgan.
Ma’lumot uchun, Alvaresning «Atletiko» bilan shartnomasi 2030 yil yozigacha amal qiladi. U o‘tgan mavsumda 49 ta uchrashuvda 20 ta gol urib, 9 ta golli uzatmani amalga oshirgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi