«Атлетико» бош мураббийи Диего Симеоне аргентиналик ҳужумчи Хулиан Алваресдан жамоада қандай фойдаланмоқчи эканини айтди.
«Биз ҳали ҳам жамоани унинг атрофида қуриш ҳақида ўйлаяпмиз. У клубга келганидан бери жамоага жуда кўп нарса берди», — деди Симеоне ўйинолди матбуот анжуманида.
Алвареснинг «Атлетико»дан кетиши ҳақидаги миш-мишлар давом этмоқда. Бироқ Мадрид клуби футболчини сақлаб қолиш борасида қатъий позицияда. Симеоненинг сўзларига кўра, аргентиналик ҳужумчи айни пайтда етарлича яхши жисмоний ҳолатда эмас ва Ла Лиганинг 1-турида «Малага»га қарши баҳсда майдонга тушмайди.
Эслатиб ўтамиз, Хулиан Алварес 2024 йил ёзида «Манчестер Сити»дан «Атлетико»га 75 миллион евро ҳамда 20 миллион евро бонуслар эвазига ўтган.
Маълумот учун, Алвареснинг «Атлетико» билан шартномаси 2030 йил ёзигача амал қилади. У ўтган мавсумда 49 та учрашувда 20 та гол уриб, 9 та голли узатмани амалга оширган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади