«АЗ Алкмаар» клуби яримҳимоячиси Кес Смит Ла Лига грандларининг трансфер қизиқишлари рўйхатидан ўрин эгаллаган.
20 ёшли футболчига «катта учлик»нинг барча вакиллари - «Барселона», Мадриднинг «Реал» ва «Атлетико» жамоалари даъвогарлик қилмоқда, деб хабар бермоқда журналист Хосе Феликс Диас.
Бироқ, бу ёзда трансфер амалга ошиши даргумон: «қаймоқранглилар» таркибни мавсум учун шакллантириб бўлган деб ҳисобланмоқда ва агар кутилмаган йўқотишлар бўлмаса, жамоа трансфер бозорига чиқишни режалаштирмаяпти; «кўк-анорранглилар» бор эътиборини Родри бўйича келишувга қаратган; «матрасчилар» эса аллақачон яримҳимояни Мортен Юлманн билан мустаҳкамлаб, унинг трансфери учун 40 миллион евро сарфлаб улгурган.
Transfermarkt портали Кес Смитнинг актуал трансфер нархини 25 миллион еврога баҳоламоқда. Бироқ «АЗ Алкмаар»нинг талаби анча кўпроқ - 60 миллион евро.
Маълумот учун, нидерландиялик футболчининг амалдаги шартномаси 2028 йилгача мўлжалланган.
