O‘zbekiston milliy jamoasi va Samarqandning "Dinamo" klubi himoyachisi Jahongir Urozov "Rubin"ga ko‘chib o‘tmoqda. Bu haqda jurnalist Ivan Karpov xabar berdi.
Qozon klubi 22 yoshli futbolchini mavsum oxirigacha "Dinamo"dan 100 ming yevro evaziga ijaraga oladi. Shuningdek, shartnomada futbolchini 700 ming yevro evaziga to‘liq sotib olish huquqi ham ko‘zda tutilgan.
Ma'lum qilinishicha, chap oyog‘da o‘ynaydigan markaziy himoyachi bugun, 30-iyul kuni kechasi tibbiy ko‘rikdan o‘tish uchun Qozon shahriga yo‘l oladi. Avvalroq Abramov Urozov masalasida qanday kelishuvga erishilishini kutayotganini haqida gapirib o‘tgan edi.
Muxlislar bu yangilikni Telegram’da muhokama qilmoqda
Izohlar Telegram’da ochiladi