«Roma» klubi «Portu» hujumkor yarim himoyachi Rodrigu Morani oʻz safiga qoʻshib olish ustida ish olib bormoqda. Bu haqda jurnalist Alfredo Pedulla xabar berdi.
Ma'lumotlarga koʻra, rimliklar hozircha «Galatasaroy» va «Portu» oʻrtasidagi muzokaralarda yuzaga kelgan tanaffusdan foydalanish niyatida.
«Roma» 19 yoshli Mora uchun 45 million yevro atrofida taklif tayyorlamoqda, kelishuv doirasida qoʻshimcha bonuslar ham koʻzda tutilgan.
«Portu» rahbariyati futbolchini sotish masalasini koʻrib chiqishga tayyor. Klub Morani shartnomasida koʻrsatilgan, taxminan 70 million yevro miqdoridagi toʻlovdan ancha kam summaga qoʻyib yuborishi mumkin.
Shu bilan birga, rimliklar «Real» hujumchisi Endrik atrofidagi vaziyatni ham diqqat bilan kuzatib bormoqda.
