"Chelsi" va "Kristal Peles" yarimhimoyachi Adam Uorton bo'yicha muzokaralarni davom ettirmoqda. Bu haqda Caught Offside nashri xabar berdi.
Manbaga ko'ra, "burgutlar" angliyalik 22 yoshli futbolchini 100 million yevrodan kamiga sotmoqchi emas. Aynan shu yuqori narx transfer bo'yicha muzokaralarning oldinga siljishiga to'sqinlik qilmoqda. "Chelsi" Uortonni tarkibga qo'shib olishni istasa, katta miqdorda mablag' sarflashi kerak bo'ladi.
Shuningdek, "Real" va "Manchester Yunayted" jamoalari ham Uorton uchun da'vogarlik qilmoqda.
O'tgan mavsumda Adam barcha turnirlarda 53 ta uchrashuv o'tkazib, 1 ta gol va 7 ta golli uzatma qayd etgan.
