«Fulhem» klubi «Sauthempton» yarimhimoyachisi Shi Charlzning transferi bo'yicha kelishuvga erishdi.
The Athletic nashri xabar berishicha, London klubi 22 yoshli futbolchining transferi uchun 26 million funt sterling sarflaydi. Shuningdek, 4 mln funt sterling bonus ham kelishuvga kiritiladi.
Futbolchi dushanba kuni tibbiy ko'rikdan o'tishi rejalashtirilgan. Shundan so'ng, u London klubi bilan besh yillik shartnoma imzolaydi.
Shi Charlz o'tgan mavsumda Chempionshipda 33 ta o'yinda maydonga tushib, 4 ta gol urdi va ikkita golli uzatmani amalga oshirdi.
