Madridning «Real» klubi hujumchisi Vinisius Junior iyul oyi oxirida klub rahbariyati bilan uchrashib, yangi shartnoma bo‘yicha muzokaralarni davom ettiradi. Bu haqda AS nashri xabar berdi.
Manbaga ko‘ra, braziliyalik 25 yoshli futbolchi maoshining sezilarli darajada oshirilishini istamoqda va shu sababli «Real»ning so‘nggi taklifini rad etgan.
Ma'lumot uchun, Vinisius 2018 yildan buyon «Real» tizimida harakat qilib kelmoqda. O‘tgan mavsumda u barcha turnirlarda jami 53 ta o‘yinda maydonga tushib, 22 ta gol urdi va 14 ta golli uzatmani amalga oshirdi.
Transfermarkt ma'lumotlariga ko‘ra, uning transfer qiymati 140 million yevroni tashkil qiladi. Hujumchining madridliklar bilan amaldagi shartnomasi 2027 yilning 30 iyuniga qadar mo‘ljallangan.
Muxlislar bu yangilikni Telegram’da muhokama qilmoqda
Izohlar Telegram’da ochiladi