Myunxenning «Bavariya» klubi vinger Maykl Olise bilan shartnomani uzaytirish bo‘yicha murakkab muzokaralarga tayyorgarlik ko‘rmoqda. Bu haqda Sport Bild nashri xabar berdi.
Nemis klubi Fransiyaning 24 yoshli futbolchisi maoshini sezilarli darajada oshirishni rejalashtirmoqda. Biroq Olise yangi shartnomaga tovon puli — ya’ni futbolchini ma’lum qiymat evaziga sotib olish imkonini beruvchi band kiritilishini ham talab qilmoqda.
Olise atrofidagi vaziyatni «Real» va «Liverpul» kuzatib bormoqda. Agar futbolchining transfer bozorida mavjud bo‘lishi uchun imkoniyat paydo bo‘lsa, Ispaniya va Angliya jamoalari uni o‘z safiga qo‘shib olishga harakat qilishi kutilmoqda.
Ma’lumot uchun, Maykl «Bavariya» safida hozirga qadar 114 ta rasmiy uchrashuvda maydonga tushib, 50 ta gol urgan va 58 ta golli uzatmani amalga oshirgan.
Avvalroq Olise Bundesligada sentyabr oyining eng yaxshi futbolchisi deb e’lon qilingandi.
