Madridning «Real» klubi rahbariyati «Fiorentina»da ijara asosida o‘ynayotgan Franko Mastantuononing Italiyadagi o‘sishidan mamnun. Bu haqda jurnalist Fabrizio Romano xabar berdi.
Ma’lum qilinishicha, «qirollik klubi» argentinalik vingerini «River Pleyt»dan sotib olish uchun sarflangan mablag‘ni xato qaror deb hisoblamayapti.
Madridliklar 19 yoshli futbolchining rivojlanishini ijobiy baholamoqda va «Fiorentina»ni Franko uchun munosib jamoa deb bilmoqda.
Ma’lumot o‘rnida, «binafsharanglilar» yosh hujumchini ushbu mavsum yakuniga qadar ijaraga olgan. Mastantuono Florensiya klubi safida barcha musobaqalar doirasida 13 ta uchrashuvda maydonga tushib, 4 ta gol urdi.
Futbolchining «Real» bilan amaldagi shartnomasi 2031 yilga qadar mo‘ljallangan. Hozircha uning ijara muddati tugaganidan keyingi taqdiri haqida qo‘shimcha ma’lumot berilmagan.
Muxlislar bu yangilikni Telegram’da muhokama qilmoqda
Izohlar Telegram’da ochiladi