Madridning «Real» klubi «Chelsi» yarimhimoyachisi Enso Fernandesni o‘z safida ko‘rishni istamoqda.
Jurnalist Fabio Gattoning xabar berishicha, Madrid klubi argentinalik transferi bo‘yicha muzokaralarni yanada faollashtirgan. Hozirda muzokaralar ancha oldinga siljigani va «qaymoqranglilar» yakuniy kelishuvga erishish ustida ishlayotgani aytilmoqda. Fernandes «Real»ning yarimhimoya chizig‘ini kuchaytirish uchun ustuvor nomzodlaridan bo‘lib qolmoqda.
Eslatib o‘tamiz, Enso Fernandes «Chelsi»ga «Benfika»dan 2023-yilda 121 million yevro evaziga ko‘chib o‘tgan. Uning amaldagi shartnomasi 2032-yilning 30-iyuniga qadar mo‘ljallangan.
Ma’lumot uchun, 2025/26-yilgi mavsumda futbolchi London klubi safida 54 ta o‘yinda maydonga tushib, 15 ta gol urdi va 7 ta golli uzatma yetkazib berdi.
