Мадриднинг «Реал» клуби «Челси» яримҳимоячиси Энцо Фернандесни ўз сафида кўришни истамоқда.
Журналист Фабио Гаттонинг хабар беришича, Мадрид клуби аргентиналик трансфери бўйича музокараларни янада фаоллаштирган. Ҳозирда музокаралар анча олдинга силжигани ва «қаймоқранглилар» якуний келишувга эришиш устида ишлаётгани айтилмоқда. Фернандес «Реал»нинг яримҳимоя чизиғини кучайтириш учун устувор номзодларидан бўлиб қолмоқда.
Эслатиб ўтамиз, Энцо Фернандес «Челси»га «Бенфика»дан 2023 йилда 121 миллион евро эвазига кўчиб ўтган. Унинг амалдаги шартномаси 2032 йилнинг 30 июнига қадар мўлжалланган.
Маълумот учун, 2025/26-йилги мавсумда футболчи Лондон клуби сафида 54 та ўйинда майдонга тушиб, 15 та гол урди ва 7 та голли узатма етказиб берди.
