Англия терма жамоаси ҳужумчиси Гарри Кейн 2026-йилги жаҳон чемпионати гуруҳ босқичининг 3-турида Панамага қарши ўйинда гол урди ва жаҳон чемпионатларида тўпурарлик бўйича янги миллий рекорд ўрнатди.
Эндиликда 32 ёшли англиялик мундиалларда миллий жамоанинг энг яхши тўпурари бўлди. Унинг ҳисобида 11 та гол бор. Шу билан бирга, Кейн 1986 ва 1990-йилги Жаҳон чемпионатларида 12 ўйинда 10 та гол урган Гари Линекерга тегишли рекордни янгилади.
Умуман олганда, Кейн ушбу жаҳон чемпионатида учта ўйин ўтказиб, учта гол урди. Англия икки ўйиндан сўнг ЖЧ-2026 плей-офф босқичига чиқишни кафолатлаб улгурганди.
Маълумот учун, плей-офф босқичининг илк ўйинида инглизлар сўнгги турда Ўзбекистон миллий жамоасини мағлубиятга учратиб, мусобақадаги иштирокини давом эттираётган Конго ДРга қарши майдонга тушади.
