«Vest Hem» vingeri Kresensio Sammervill Madridning «Real» klubi qiziqishlari doirasiga tushdi.
talkSPORT xabariga ko‘ra, «qirollik klubi» niderlandiyalik futbolchini transfer qilish imkoniyatlarini o‘rganib chiqmoqda va bu borada dastlabki ma’lumotlarni yig‘gan.
Manbaning ta’kidlashicha, «Vest Hem»ning Premyer-ligadan tushib ketgani sabab Sammervill yozgi transfer oynasida jamoani tark etishi kutilmoqda.
Ayni paytda futbolchi Niderlandiya milliy jamoasi safida Jahon chempionatida ishtirok etmoqda. Shuningdek, unga «PSJ» va «Manchester Yunayted» klublari ham qiziqish bildirmoqda.
24 yoshli vinger 2025/26 yilgi mavsumda barcha musobaqalarda 34 ta bahsda maydonga tushib, 7 ta gol va 5 ta assist qayd etdi.
Ma’lumot uchun, Kresensio Sammervill faoliyati davomida «Lids» va «Vest Hem» safida ham to‘p tepgan. U tezkorligi va yakkakurashlardagi samarali harakatlari bilan ajralib turadi.
