Braziliya terma jamoasi yarim himoyachisi Bruno Gimarayes «Nyukasl»dan «Arsenal»ga o‘tdi. Bu haqda London klubi matbuot xizmati X ijtimoiy tarmog‘idagi sahifasi orqali rasman xabar berdi.
Avvalroq tomonlar 75 million funt sterling (87,75 million yevro) evaziga transfer bo‘yicha kelishib olgani xabar qilingandi. OAV ma’lumotlariga ko‘ra, futbolchining o‘zi bilan 5 mavsumga - 2031-yilning yozigacha mo‘ljallangan shartnoma imzolanadi. Angliya chempionatining 2025/2026-yilgi mavsumida 28 yoshli Bruno Gimaraies 29 ta o‘yinda maydonga tushib, 9 ta gol urdi va 5 ta golli uzatmani amalga oshirdi. Shuningdek, uning hisobida UYEFA Chempionlar Ligasida 7 ta o‘yin bor.
Avvalroq «Nyukasl»ni vinger Entoni Gordon va yarimhimoyachi Sandro Tonali tark etgandi. Angliyalik futbolchi «Barselona»ga 80 million yevro evaziga ko‘chib o‘tgan bo‘lsa, italiyalik esa «Tottenhem» futbolchisiga aylandi. Uning transferi 108 million yevroga baholanmoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi