«Atletiko» «Tottenhem» himoyachisi Kristian Romeroga qiziqishda davom etmoqda, deya xabar berdi insayder Fabritsio Romano.
Manbaga ko‘ra, yaqin kunlarda Madrid klubi 28 yoshli argentinalik futbolchi transferi borasida yangi taklif kiritadi.
«Atletiko» futbolchini boshqa klublar ilib ketish xavfini oldini olib, 40 million yevro taklif qilishi kutilmoqda. Futbolchi bilan muzokaralar hali ham davom etmoqda.
Romero «Tottenhem» safida 2022-yildan buyon o‘ynamoqda, uning amaldagi shartnomasi 2029-yil 30-iyungacha mo‘ljallangan.
Ma’lumot uchun, 2025/26-yilgi mavsumda himoyachi 32 ta o‘yinda 6 ta gol urdi va 4 ta golli uzatmani amalga oshirdi.
Transfermarkt portali futbolchining amaldagi transfer narxini 45 million yevroga baholamoqda.
