Bu haqda Ispaniyaning Mundo Deportivo gazetasi xabar bermoqda.
Avvalroq «matraschilar» Li Kan Inning o‘zi bilan shartnoma borasida kelishib olgani haqida xabarlar paydo bo‘lgandi.
Manba xabariga ko‘ra, «Atletiko» Fransiya chempioniga 25 million yevro taklif qilgan. Biroq parijliklarga bu taklif ma’qul bo‘lmadi. «PSJ» futbolchisi transferidan kamida 35 million yevro ishlab olmoqchi.
O‘tgan mavsum Kan-In «PSJ» safida 39 ta o‘yinda maydonga tushib, 4 ta gol urdi va 5 ta golli uzatma yetkazib berdi.
