«Barselona»ning sobiq himoyachisi Jerar Pike Lionel Messining 2026 yilgi Jahon chempionatidagi ishtiroki haqida fikr bildirdi.
ESPN xabariga ko‘ra, ispaniyalik sobiq futbolchi Argentina milliy jamoasi finalda mag‘lub bo‘lganiga qaramay, Messi yana bir bor o‘zining buyukligini namoyish etganini ta’kidladi.
«Jahon chempionati finalida mag‘lub bo‘lish juda og‘ir. Ammo Messi yana bir bor tarixdagi eng buyuk futbolchi ekanini isbotladi. Leo ko‘plab gollar urdi va Argentinaning finalga chiqishiga yordam berdi. U chempion bo‘la olmagan bo‘lsa-da, erishgan natijalari bilan faxrlanishiga ishonaman», — dedi Pike.
Ma’lumot uchun, Lionel Messi 2026 yilgi Jahon chempionatida 8 ta bahsda maydonga tushib, 8 ta gol va 4 ta golli uzatmaga mualliflik qildi. U mundiallar tarixidagi eng yaxshi assistent (12) bo‘lib qolmoqda. Turnir yakunida esa uning Jahon chempionatlaridagi gollari soni 21 taga yetdi. Kilian Mbappe 22 ta gol bilan ushbu ko‘rsatkichda Messidan o‘zib ketdi.
