2026 yilgi Jahon chempionati oldidan o‘tkazilgan o‘rtoqlik bahslarida Shvetsiya va Eron milliy jamoalari turlicha natija qayd etdi.
Stokgolmdagi «Strawberry Arena» stadionida Shvetsiya va Gretsiya o‘rtasidagi bahs 2:2 hisobida yakunlandi. Hisobni 10-daqiqada Konstantinos Tsimikas ochgan bo‘lsa, ikkinchi bo‘limda Viktor Gokeresh va Gustav Nilsson shvedlarni oldinga olib chiqdi. Biroq 90+5-daqiqada Georgios Masuras gol urib, Gretsiyani mag‘lubiyatdan qutqarib qoldi.
O‘rtoqlik o‘yini
Shvetsiya – Gretsiya 2:2
Gollar: Konstantinos Tsimikas 10 (0:1), Viktor Gokeresh 53 (1:1), Gustav Nilsson 69 (2:1), Georgios Masuras 90+5 (2:2).
Shuningdek, Eron milliy jamoasi Mali bilan o‘tkazilgan nazorat bahsida 2:0 hisobida g‘alaba qozondi. Osiyo vakillari safida Ramin Rezayon va Said Izatullohi gollarga mualliflik qildi.
Eslatib o‘tamiz, Shvetsiya milliy jamoasi Jahon chempionatining F guruhida Tunis, Niderlandiya va Yaponiyaga qarshi maydonga tushadi.
Ma’lumot uchun, Eron milliy jamoasi mundialning G guruhidan o‘rin olgan bo‘lib, Belgiya, Misr va Yangi Zelandiya bilan bahs olib boradi.
O‘rtoqlik o‘yini
Eron – Mali 2:0
Gollar: Ramin Rezayon 12 (0:1), Said Izatullohi 55 (0:2).
