Ўртоқлик ўйинлари. Швеция ғалабани қўлдан чиқарди, Эрон эса Мали устидан зафар қучди

2026 йилги Жаҳон чемпионати олдидан ўтказилган ўртоқлик баҳсларида Швеция ва Эрон миллий жамоалари турлича натижа қайд этди.

Стокголмдаги «Стравберри Арена» стадионида Швеция ва Греция ўртасидаги баҳс 2:2 ҳисобида якунланди. Ҳисобни 10-дақиқада Константинос Цимикас очган бўлса, иккинчи бўлимда Виктор Гокереш ва Густав Нилссон шведларни олдинга олиб чиқди. Бироқ 90+5-дақиқада Георгиос Масурас гол уриб, Грецияни мағлубиятдан қутқариб қолди.

Ўртоқлик ўйини
Швеция – Греция 2:2
Голлар: Константинос Цимикас 10 (0:1), Виктор Гокереш 53 (1:1), Густав Нилссон 69 (2:1), Георгиос Масурас 90+5 (2:2).

Эрон миллий жамоаси Мали билан ўтказилган назорат баҳсида 2:0 ҳисобида ғалаба қозонди. Осиё вакиллари сафида Рамин Резаён ва Саид Изатуллоҳи голларга муаллифлик қилди.

Эслатиб ўтамиз, Швеция миллий жамоаси Жаҳон чемпионатининг Ф гуруҳида Тунис, Нидерландия ва Японияга қарши майдонга тушади.

Маълумот учун, Эрон миллий жамоаси мундиалнинг G гуруҳидан ўрин олган бўлиб, Белгия, Миср ва Янги Зеландия билан баҳс олиб боради.

Ўртоқлик ўйини
Эрон – Мали 2:0
Голлар: Рамин Резаён 12 (0:1), Саид Изатуллоҳи 55 (0:2).