«Ливерпул» клуби Андони Ираоланинг бош мураббий этиб тайинланганини расман эълон қилди. Бу ҳақда клубнинг расмий сайти орқали маълум қилинди.
43 ёшли мутахассиснинг сўнгги иш жойи «Борнмут» бўлган. У ўтган мавсум якунида клубни тарк этганди.
Маълумот учун, Ираола бошқарувидаги «Борнмут» Англия Премер Лигасида 57 очко жамғариб, мавсумни олтинчи ўринда якунлади. «Ливерпул» эса 60 очко билан бешинчи поғонани эгаллаган.
Испаниялик мураббий 2023 йил ёзидан буён «Борнмут»ни бошқариб келаётганди.
Эслатиб ўтамиз, аввалроқ Андони Ираоланинг «Ливерпул» билан шартнома имзолашга яқин экани ҳақида хабарлар тарқалганди.
