«Ливерпул» «РБ Лейпциг» вингери Ян Диоманд трансфери бўйича музокараларга киришди.
Тhe Athletic хабарига кўра, айни пайтда мерсисайдликларнинг 19 ёшли футболчи билан келишувга эришиш имконияти «ПСЖ»никидан юқорироқ баҳоланмоқда.
Манбада қайд этилишича, «РБ Лейпциг» бир неча бор Диоманд сотилмаслигини маълум қилган. Немис клуби ўз позициясини ўзгартириши учун 130 миллион евродан ортиқ таклиф келиб тушиши керак.
Шунингдек, ўтган ёзда «Ливерпул» трансферлар учун 522 миллион евро сарфлагани ва жамоанинг бошқа позицияларни ҳам кучайтиришга эҳтиёжи борлиги сабаб бу трансфер амалга ошмаслиги ҳам мумкин.
Ян Диоманднинг «РБ Лейпциг» билан шартномаси 2030 йилгача амал қилади. Битимда товон пули банди мавжуд эмас.
Эслатиб ўтамиз, футболчига «ПСЖ» ҳам жиддий қизиқиш билдирмоқда, бироқ парижликлар ҳозирча музокараларда «Ливерпул» даражасига етиб бора олмаган.
Маълумот учун, иқтидорли вингер учун курашаётган клублар орасида «Манчестер Сити» ҳам бор.
