«Milan» klubi «Napoli» yarimhimoyachisi Skott MakTominayga jiddiy qiziqish bildirmoqda. Bu haqda Calciomercato nashri xabar berdi.
Manbaga ko‘ra, milanliklar Neapol klubi bilan kelisha olmayotgan shotlandiyalik futbolchi atrofidagi vaziyatni diqqat bilan kuzatib bormoqda. Agar imkoniyati bo‘lsa, uni o‘z safiga qo‘shib olishga tayyor.
MakTominayning «Napoli» bilan shartnomasi 2028 yilgacha mo‘ljallangan, biroq uni uzaytirish bo‘yicha muzokaralar hozircha to‘xtab qolgan.
Shuningdek, «Manchester Yunayted» ham sobiq futbolchini ortga qaytarishga tayyor. Biroq bu oson kechmasligi mumkin. Skott hozircha kelajagini qaysi jamoada davom ettirishi borasida yakuniy qarorga kelmagan.
Avvalroq «Napoli» prezidenti Aurelio De Laurentis Antonio Konte o‘rniga Raffaele Palladinoni tayinlash imkoniyatini ko‘rib chiqqani xabar qilingandi.
