Fransiya milliy jamoasi hujumchisi Kilian Mbappe Argentina vingeri Lionel Messining jahon chempionatlari tarixidagi gollar soni bo‘yicha rekordiga munosabat bildirdi.
«Leo doimo gol uradi. U har doim shunday qilgan va shunday qilishda davom etadi. Agar men Messining nima qilayotganiga qarab harakat qilsam, yanada ko‘proq o‘zim uchun o‘ynashimga to‘g‘ri kelardi.
Men bunga umuman e'tibor qaratmayman. Faqat jamoamga yordam berish haqida o‘ylayman», — dedi Mbappe.
Ma'lumot o‘rnida, Messi mundial guruh bosqichi 2-turida Avstriyaga qarshi o‘yin (2:0)da dubl qayd etib, jahon chempionatlaridagi gollari sonini 18 taga yetkazdi va Germaniya milliy jamoasi sobiq hujumchisi Miroslav Kloze (16 gol)ni ortda qoldirdi.
Qayd etish lozim, Kilianning hisobida ham 16 ta gol mavjud.
