Madridning «Real» klubining fransiyalik forvardi Kilian Mbappe mavsum boshlanishi arafasidagi mashg‘ulotlar yuklamasi haqida fikr bildirdi.
Fransiyalik sportchi «qaymoqranglilar»ning dastlabki nazorat o‘yinlarini o‘tkazib yubordi, ammo yaqinda ta’tildan qaytib, jamoadoshlari safiga borib qo‘shildi.
«Men bor kuchimni 100% sarflashga harakat qilaman, chunki hozir maksimal darajada qattiq mashq qilish muhim. Keyinchalik, o‘yinlar boshlanganda, tiklanish va yuklamani to‘g‘ri taqsimlash birinchi planga chiqadi. Mavsum startidan avval tayyorgarlikni oshirish va La Liganing birinchi o‘yiniga to‘liq tayyorgarlik bilan yetib borish juda ham muhim», – dedi Mbappe The Touchline nashriga bergan intervyusida.
Eslatib o‘tamiz, 27 yoshli futbolchi Ispaniya chempionati o‘tgan mavsumida 25 ta gol urib, eng yaxshi to‘purar nomiga sazovor bo‘lgan edi.
Muxlislar bu yangilikni Telegram’da muhokama qilmoqda
Izohlar Telegram’da ochiladi