Germaniya milliy jamoasining sobiq futbolchisi Lotar Matteus «Bavariya»ning 2026/27 yilgi mavsum oldidan imkoniyatlari haqida fikr bildirdi.
Sky Sport.de xabariga ko‘ra, Matteus Myunxen klubi o‘tgan mavsumga nisbatan kuchsizlanmaganini ta’kidladi.
«Bavariya» albatta kuchsizlanmadi. Aksincha, jamoa yanada kuchaydi, deb o‘ylayman. Ushbu transfer oynasida yetakchi futbolchilardan hech biri klubni tark etmaydi. Men Olise Myunxenda qolishiga ishonardim va bu borada hech qanday xavotirim yo‘q edi», — dedi Matteus.
Sobiq futbolchining fikricha, «Bavariya» yangi mavsumda Bundesliga chempionligi uchun asosiy da’vogar bo‘ladi.
«Bavariya» yangi Bundesliga mavsumining bosh favoriti. Chempionlar ligasida ham jamoa chempionlik uchun kurashadi», — deya qo‘shimcha qildi u.
Ma’lumot uchun, «Bavariya» o‘tgan mavsum Chempionlar ligasining yarimfinaliga qadar yetib borgan va ushbu bosqichda «PSJ»ga imkoniyatni boy bergandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi