Mareska: “Chetlatish nafaqat bizning, raqibning ham rejalarini oʻzgartirib yubordi”

“Manchester Siti” bosh murabbiyi Enso Mareska APL 4-turidan oʻrin olgan “Manchester Yunayted”ga (1:0) qarshi oʻyindan soʻng oʻz fikrlari bilan oʻrtoqlashdi.

“Qanday xaos! Qizil kartochka rejalarimizni biroz oʻzgartirdi, ammo futbolchilarga tan berish kerak: ularning fidoyiligi va jangovor ruhi shunchaki ajoyib edi. 10 kishi boʻlib qolganimiz zahoti bu barcha futbolchilarga taʼsir qildi. Avvaliga maydon markazida son jihatdan ustunlik yaratishni xohlagandik, ammo 23-daqiqadan keyin vaziyat butunlay oʻzgardi.

Balki, bu qizil kartochkadir, ammo xuddi shu vaziyatda Brunu ham chetlatilishi mumkin edi. Nima boʻlgan boʻlsa, shu boʻldi.

Kartochka rejalarimizni oʻzgartirdi, ammo raqibning rejalariga ham taʼsir qildi. Ular qarshi hujumlarda nihoyatda kuchli. 10 kishi boʻlib qolganimizdan keyin ham ularga qarshi hujumlar uchun hech qanday imkoniyat bermadik. Taktik reja oʻz yoʻliga, ammo bugungi asosiy jihat futbolchilarning mehnati boʻldi. Ular juda yuqori darajada harakat qilishdi.

Bu — ajoyib holat. Oʻtgan yili «Chelsi” bilan “Manchester Yunayted”ga qarshi oʻyinda 3-daqiqadayoq 10 kishi boʻlib qolgandik. Umid qilamanki, keyingi safar oʻyinni toʻliq tarkibda yakunlaymiz.

Menimcha, bizning golimiz mutlaqo haqqoniy boʻldi. Zaxira hakami­dan soʻradim, u vaziyat tekshirilganini va hammasi joyida ekanini aytdi.

Donnarumma? U bizga aynan oʻyin oxiridagi shunday seyvlar uchun kerak. Uning bu yerda boʻlishining sababi ham shu. Klub uni sotib olishga qaror qilganining sababi ham shu, chunki u — fantastik darvozabon", — deya italiyalik mutaxassisning soʻzlarini keltiradi NBO Sports.