Pro Ref Holandning goli hisoblangani xato boʻlganini tan oldi

Angliyada hakamlikni nazorat qiluvchi Pro Ref tashkiloti Erling Holandning “Manchester Yunayted” darvozasiga urgan golini hisobga olish boʻyicha qaror xato boʻlganini tan oldi. Norvegiyalik hujumchining aniq zarbasi “Manchester Siti”ga derbida 1:0 hisobida gʻalaba keltirdi.

Bosh hakam Maykl Oliver dastlab ofsayd sababli golni bekor qildi, biroq hakam VAR taʼsirida qarorini oʻzgartirdi.

“Premer-ligada «Manchester Yunayted” va “Manchester Siti” oʻrtasida “Old Trafford” stadionida boʻlib oʻtgan bellashuvning 60-daqiqasida Erling Holandning hisobga olingan goli yuzasidan tushuntirish bermoqchimiz.

Maydondagi hakamning dastlabki qaroriga koʻra, ofsayd qayd etilgan. VAR orqali vaziyat tekshirilganda esa Holand ofsayd holatida boʻlmagani aniqlangan.

Hujumning oʻsha epizodida Enso Fernandes toʻpga tegmagani ham aniqlandi. Shuning uchun mazkur holatda ofsayd qoidasi buzilgan-buzilmagani subyektiv baholashni talab qiladi. Biroq ushbu vaziyatda VAR Ensoning vaziyatga ehtimoliy taʼsirini hisobga olmagan. Ular videotasvirni qayta koʻrib chiqishni tavsiya qilishi kerak edi.

Biz “Manchester Yunayted” klubi bilan bogʻlandik va hakamlik xatosi sodir boʻlganini tan oldik. Mazkur vaziyat boʻyicha tahlil oʻtkaziladi», — deya Pro Ref bayonotini keltiradi jurnalist Ben Jeykobs.