«Manchester Siti» «Lill» yarimhimoyachisi Ayyub Buaddi transferi bo‘yicha muzokaralarda sezilarli oldinga siljidi.
Sky Sport xabariga ko‘ra, «shaharliklar» 18 yoshli futbolchi uchun kurashda «Arsenal»ni ortda qoldirgan. Avvalroq londonliklar transfer poygasida favorit sanalayotgandi, biroq Bruno Gimaraesh transferiga ustuvor ahamiyat qaratilgach, «Manchester Siti» tashabbusni o‘z qo‘liga oldi.
Manba ma’lumotiga ko‘ra, «Manchester Siti» sport direktori Ugu Viana va «Lill» prezidenti Olivye Letan muntazam aloqada bo‘lib turibdi. Angliya klubi bir necha og‘zaki taklif bilan chiqqan, biroq fransuzlar ularning barchasini rad etgan.
Qayd etilishicha, Buaddi «Manchester Siti» bilan 2031 yilgacha mo‘ljallangan shartnoma shartlari bo‘yicha kelishuvga erishgan. Hozircha tomonlar transfer summasida murosaga kelmagan. «Lill» futbolchi uchun 100 million yevro talab qilmoqda, «Manchester Siti» esa bonuslarni hisobga olgan holda 90 million yevro atrofida to‘lashni rejalashtirmoqda.
Ma’lumot uchun, Ayyub Buaddi 2026 yilgi Jahon chempionatida Marokash milliy jamoasi safida yorqin o‘yin namoyish etdi. U «Lill» asosiy jamoasi safida barcha musobaqalarda 96 ta bahsda maydonga tushib, 4 ta golli uzatmani amalga oshirgan.
