«PSJ» bosh murabbiyi Luis Enrike Fransiya Superkubogi uchun «Lans»ga qarshi bahs oldidan jamoa tarkibi va ehtimoliy rotatsiya haqida gapirdi.
«Biz doimo loyihamiz va o‘yin g‘oyamizga eng mos keladigan futbolchilarni izlaymiz. Ertaga mavsumdagi eng qiyin bahslardan birini ajoyib stadionda «Lans»ga qarshi o‘tkazamiz.
Safardagi bahsda yana ushbu juda muhim sovrinni qo‘lga kiritishga harakat qilamiz. U yerda yaxshi futbol namoyish etish qanchalik qiyinligini bilamiz. Bundan tashqari, hozir mavsumning o‘ziga xos davri, chunki tayyorgarligimiz optimal darajada kechmadi», — dedi Enrike.
Mutaxassisdan tarkibda jiddiy rotatsiya bo‘lishi kutilayotgani so‘ralganida esa hazil bilan javob berdi:
«Raqibga tarkib borasida maslahat berishimni xohlaysizmi? Rotatsiya bo‘ladimi yoki yo‘qmi, bilmayman. Kim o‘ynashini tushunish uchun xotinim bilan gaplashishim kerak», — dedi Enrike.
Eslatib o‘tamiz, «PSJ» bir necha kun avval UEFA Superkubogi uchun bahsda «Aston Villa»dan (2:1) ustun kelgan edi.
