Milanning «Inter» klubi «Tottenhem» va Argentina milliy jamoasi markaziy himoyachisi Kristian Romero xizmatlariga qiziqib qolgan. Ingliz klubi bilan muzokaralar borasidagi mish-mishlarni Italiya chempioni sport direktori Pero Auzilio tasdiqladi.
«Romero? Shubhasiz, biz futbolchi va «Tottenhem» bilan kelishuvga erishishga harakat qilyapmiz. Bunday masalalar vaqt talab etadi, ammo shubhasiz, biz unga qiziqyapmiz. Ko‘ramiz», — deya Auzilio so‘zlaridan iqtibos keltirdi Sky Sport Italia.
Avvalroq, Romero «Tottenhem»dan ketmoqchiligi va himoyachiga Ispaniyaning «Barselona» klubi qiziqayotgani xabar qilingandi. OAV xabarlariga ko‘ra, London klubi Romeroni 50 mln yevroga baholamoqda, futbolchining o‘zi ham Italiyaga qaytishga qarshi emas.
