Germaniya milliy jamoasi bosh murabbiyi Yurgen Klopp jamoaning natijalarini qanday yaxshilash mumkinligi haqidagi savolga javob berdi. Bu haqda Sky Sport Germany xabar berdi.
Germaniya milliy jamoasi Millatlar ligasi guruh bosqichining dastlabki turlarida Niderlandiya bilan 1:1 hisobida durang o‘ynab, Gretsiyaga 0:1 hisobida imkoniyatni boy bergan.
«Ko‘ramiz. Bu meni unchalik tashvishga solmaydi. Hayotim davomida o‘zim xohlaganimdan ancha ko‘p bahslarda mag‘lub bo‘lganman. Mag‘lubiyatlardan to‘g‘ri xulosa chiqarsangiz, hammasi joyida. Ammo, albatta, barchamiz ko‘p narsani o‘zgartirishimiz kerakligini tushunamiz.
Oxir-oqibat, yomon boshlanish yomon yakundan yaxshiroq. Barchamiz bir yo‘nalishda harakat qilamiz, birga bo‘lamiz va hammasi o‘z joyiga tushadi. To‘g‘ri ishlarni qilganingizda, har doim shunday bo‘ladi», — dedi Klopp.
Eslatib o‘tamiz, Germaniya milliy jamoasi Millatlar ligasi guruh bosqichining dastlabki ikki turida bir ochko jamg‘argan.
Ma’lumot uchun, nemislar ushbu bahslarda jami bir gol urib, ikki gol o‘tkazib yuborgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi