«Inter» bosh murabbiyi Kristian Kivu murabbiylik faoliyatiga munosabati haqida fikr bildirdi. Ruminiyalik mutaxassis sovrinlarni qo‘lga kiritganiga qaramay, o‘zini hanuz o‘quvchi deb hisoblashini ta’kidladi. Bu haqda u Cronache di Spogliatoio nashriga bergan intervyusida aytdi.
«Bu ish bilan umrim davomida shug‘ullanaman, deb o‘ylamayman. Hali ham o‘zimni o‘quvchi sifatida his qilamanmi? Ha, mening ishga va qilayotgan barcha ishlarimga yondashuvim shunday. Shubhalar menga qiziquvchanligimni saqlash va o‘zimga qulay bo‘lgan hududdan chiqishga yordam beradi», — dedi Kivu.
Ruminiyalik murabbiy rivojlanishga bo‘lgan istagini saqlab qolar ekan, o‘z ustida ishlashda davom etishini bildirdi.
«O‘zimni o‘quvchi sifatida ko‘rmay qo‘ysam, to‘xtash uchun ayni vaqt kelgan bo‘ladi. O‘rganish va yangi chaqiriqlar menda ishtiyoqni, shuningdek, ishtiyoq bilan ishlash istagini saqlab turadi», — deya qo‘shimcha qildi mutaxassis.
Ma’lumot uchun, Kristian Kivu boshqaruvida «Inter» o‘tgan mavsumda Italiya chempionati va mamlakat Kubogida g‘olib bo‘lgan.
Eslatib o‘tamiz, Kivu futbolchilik faoliyati davomida ham «Inter» safida to‘p tepgan va klub tarixidagi taniqli himoyachilardan biri hisoblanadi.
