"Galatasaroy" "Milan" hujumchisi Rafael Leao bo‘yicha rasmiy taklif bilan chiqdi. Bu haqda jurnalist Janluka Di Marzio xabar berdi.
Turkiya klubi portugaliyalik futbolchini keyinchalik sotib olish huquqi bilan ijaraga olishni taklif qilgan. Biroq "Milan" bunday variantga qiziqmayapti va Leaoni faqat to‘liq transfer asosida sotishni maqsad qilgan.
Futbolchi 29 iyul kuni "rossoneri"ning Avstraliya bo‘ylab turnesi davomida jamoaga qo‘shilishi kutilmoqda. Shunga qaramay, uning klubda qolish niyati yo‘qligi ma'lum qilingan.
Avvalroq "Milan" Leao uchun narx belgilagani ma'lum qilingan edi.
Muxlislar bu yangilikni Telegram’da muhokama qilmoqda
Izohlar Telegram’da ochiladi