Fred: «Ten Hag Ronaldo, Kazemiro, Rashford bilan tortishardi. Ammo taktika borasida eng zo‘rlaridan biri edi»

Fred «Manchester Yunayted»da Erik ten Hag qo‘l ostida ishlagan davrini esladi.

«Ten Hag taktika borasida juda kuchli mutaxassis edi, ammo jamoa bilan munosabatlarda o‘zini mutlaqo ahmoqdek tutardi. U hamma bilan tortishardi: men bilan, Ronaldo bilan, Kazemiro bilan, Reshford bilan... U meni maydonga tushirmasdi va bu ba’zida kuchli stressga olib kelardi.

Faqat uning niderlandiyalik futbolchilari o‘ynardi. Murabbiyning o‘z guruhi bor edi. Ammo taktika nuqtayi nazaridan u men ishlagan murabbiylar orasida eng kuchlilaridan biri edi.

U jamoa ko‘p harakat qilishi va yugurishini xohlardi, ammo Krishtianu allaqachon yosh emasdi. U Krishtianuni tarkibdan chiqarib qo‘ydi va shundan keyin jamoada kelishmovchiliklar boshlandi», — dedi «Manchester Yunayted» sobiq yarimhimoyachisi Charla Podcast podkastida.