«Manchester Siti» futbolchilari va ularning vakillari klubga nisbatan ehtimoliy jazolar masalasida yuristlarga murojaat qilishdi, deb xabar bermoqda Sky Sports.
O‘tgan hafta «shaharliklar» APLning moliyaviy qoidalarini buzish bilan bog‘liq deyarli barcha ayblovlar bo‘yicha aybdor deb topilgani haqida xabarlar tarqalgandi — faqat bitta band bundan mustasno.
2023-yil fevral oyida APL «Siti»ni 2009-yildan 2018-yilgacha bo‘lgan davrda moliyaviy qoidalarni 115 marta buzganlikda ayblagandi. Keyinchalik The Times nashri gap 115 emas, balki 130 ta qoidabuzarlik haqida ketayotganini xabar qildi.
Seshanba kuni esa APL klub ayblovlarning barcha bandlari bo‘yicha aybdor deb topilganini ma’lum qildi.
Manbaga ko‘ra, futbolchilarni klub qoidabuzarliklarining ehtimoliy oqibatlari sababli to‘lanmasligi mumkin bo‘lgan bonuslar taqdiri xavotirga solmoqda. Gap APLda g‘olib chiqish yoki yevrokuboklarga yo‘llanma olish uchun beriladigan mukofot pullari haqida ketmoqda.
«Man Siti» futbolchilari bonuslarsiz qolishdan xavotirda
Futbol
2 oktabr, 18:10
5
Klubga nisbatan jazolar qo‘llanishi ularni ehtimoliy mukofot pullaridan quruq qoldirishi mumkin.
Foto: Getty Images
Muxlislar bu yangilikni Telegram’da muhokama qilmoqda
Izohlar Telegram’da ochiladi