"Betis" vingeri Abdusamad Ezzalzuli va "Marsel" himoyachisi Nayef Agerd jarohatlari sababli Marokash milliy jamoasi safida 2026 yilgi Jahon chempionatida ishtirok eta olishmaydi. Bu haqda FIFA rasmiy sayti xabar berdi.
24 yoshli hujumkor futbolchi Norvegiyaga (1:1) qarshi o'rtoqlik bellashuvida o'ng tizzasining bog'lamlaridan jarohat olgan. 30 yoshli Agerdning qanday jarohat olgani esa oshkor qilinmadi.
Ularning o'rniga Marokash milliy jamoasiga hujumchi Muhammad Amin Sbaï ("Anje") va himoyachi Marvon Sadane ("Al Fotih") chaqirildi.
Eslatib o'tamiz, Marokash mundialda C guruhida Braziliya, Shotlandiya va Haiti bilan o'ynaydi.
