Kanada milliy jamoasi yarimhimoyachisi Stefan Eushtakiu JCH-2026 1/16 finalida JARga qarshi kechgan uchrashuvning eng yaxshi futbolchisi deb topildi. Bu haqda FIFA rasmiy sayti ma'lum qildi.
Eushtakiu uchrashuvning 90+2-daqiqasida yagona golni urib, Kanadaga 1:0 hisobidagi g‘alabani taqdim etdi.
1/8 final bosqichida kanadaliklar Niderlandiya va Marokash o‘rtasidagi bahs g‘olibiga qarshi maydonga tushadi.
Eslatib o‘tamiz, amaldagi jahon chempioni Argentina hisoblanadi. Argentinaliklar 2022 yilgi mundial finalida Fransiyani penaltilar seriyasida mag‘lub etib, bosh sovrinni qo‘lga kiritgandi.
