«PSJ» bosh murabbiyi Luis Enrike Chempionlar ligasi yarimfinali doirasida «Bavariya»ga qarshi javob bahsi oldidan fikr bildirdi.
«Ikkala jamoa ham mavsum davomida, biz esa so‘nggi ikki mavsum davomida qiyin vaziyatlardan chiqib ketish qobiliyatini namoyish etdik. Endi har qachongidan ham ko‘proq raqobatbardosh bo‘lishimiz kerak. Bunday bahslarni ko‘rganimda, Rafael Nadalning Novak Jokovich va Rojer Federerga qarshi o‘yinlari haqida aytganlari yodimga tushadi. U bu qarama-qarshiliklarda o‘sish uchun imkoniyat ko‘rgan», — dedi Enrike matbuot anjumanida.
Mutaxassisning ta’kidlashicha, jamoa nafaqat raqibga, balki stadion muhitiga ham tayyor bo‘lishi lozim.
«Biz ajoyib futbol o‘ynayotgan jamoa va muhitni yengib o‘tishga harakat qilamiz», — dedi u.
Ma’lumot uchun, ushbu jamoalar o‘rtasidagi dastlabki bellashuv Parijda bo‘lib o‘tgan va unda «PSJ» 5:4 hisobida g‘alaba qozongandi.
