"Bavariya" klubi Ismoil Saybari bilan kelishuvga erishdi. Bu haqda insayder Fabritsio Romano xabar berdi.
Manbaga ko'ra, Myunxen klubi marokashlik futbolchining transferi uchun PSVga taxminan 55 million yevro to'laydi.
Ikkala klub va Marokash futbol federatsiyasining roziligi bilan Saybari va "Bavariya"ning tibbiy jamoasi tibbiy ko'rik uchun AQShda uchrashadi.
Ismoil jahon chempionatining 1-turida Braziliya darvozasiga gol urishga muvaffaq bo'ldi.
O'tgan mavsumda Saybari Niderlandiya chempionatining 27 ta o'yinida 15 ta gol urdi va 8 ta golli uzatmani amalga oshirdi.
