«PSJ» bosh murabbiyi Luis Enrike «Bavariya»ga qarshi yarimfinal javob bahsi oldidan «Alyans Arena»ga qaytish haqida fikr bildirdi.
«Bizga qo‘shimcha motivatsiya kerak emas, allaqachon 100 foiz tayyormiz. Myunxenga qaytish yoqimli xotiralarni uyg‘otadi, bu har doim zavq bag‘ishlaydi. O‘tgan yilni eslashimiz mumkin, yana oldinroqqa qarasak, «Barselona»da ishlagan paytimda Chempionlar ligasini yutgan yilimiz «Bavariya» bilan yarim finalda o‘ynaganmiz va javob bahsi Myunxenda bo‘lgandi. Keyin finalda g‘alaba qozonganmiz. Bu men uchun yanada katta motivatsiya», — dedi Enrike matbuot anjumanida.
Ma’lumot uchun, «PSJ» va «Bavariya» o‘rtasidagi javob bahsi 6 may kuni Myunxenda bo‘lib o‘tadi.
