Desham: "Ispaniya — favorit. Bu raqibga bosim yuklash emas, balki ular erishgan natijalarning tan olinishi"

Fransiya milliy jamoasi bosh murabbiyi Didie Desham JCH-2026 yarimfinalidan o‘rin olgan Ispaniya bilan o‘yin oldidan o‘z fikrlarini bildirdi.

«Ispaniya milliy jamoasini yaxshi bilamiz, ular — amaldagi Yevropa chempioni. O‘tgan yozda ham Millatlar ligasi yarimfinalida (4:5) ularga qarshi o‘ynagandik.

Jahon chempionati oldidan va turnir boshida bizni ham favoritlar qatoriga qo‘shishgandi, ammo Ispaniya — favorit. Bu ularga bosimni oshirish uchun aytilgan gap emas, balki ular erishgan natijalarning tan olinishi, hatto Millatlar ligasi finalida Portugaliyaga mag‘lub bo‘lishgan bo‘lsa ham.

Bu — ko‘plab kuchli jihatlarga ega juda yaxshi jamoa. Ammo bu — Jahon chempionatining yarimfinali, shuning uchun daraja juda yuqori», — deya Deshamning so‘zlarini keltiradi Movistar.

Fransiya — Ispaniya o‘yini 14 iyul kuni bo‘lib o‘tadi.